Жаңалықтарды Telegram арнамыздан оқыңыз!АҚШ-тың Теннесси штатында шіркеуде атыс болып, 1 адам қаза тапты. Тағы алтауы түрлі жарақаттармен ауруханаларға жеткізілді. Халықаралық агенттіктердің хабарлауынша, бетперде киген афроамерикандық шіркеуге атып кіріп, құлшылық етуге келген адамдарға оқ жаудырған. Тергеу барысы кезінде оқыс оқиғаға жауапты жергілікті тұрғын, 25-жастағы Эммануэль Самсон екені анықталды. Полицияның сәтті ұйымдастырған операциясы барысында қылмыскер тұтқындалды. Әзірге оның мұндай әрекетке не үшін барғаны белгісіз болып отыр.
Мақпал СЕРЖАНҚЫЗЫ
