Абай облысында полиция жолда ереже бұзатындарды дронмен анықтауға кірісті

Абай облысының полицейлері республикалық және облыстық маңызы бар жолдардағы жағдайды бақылау үшін дрондарды пайдалана бастады. Әуеден жүргізілетін мониторинг жол қозғалысы ережелерін бұзғандарды жедел анықтауға мүмкіндік береді.

Ұшу апараттарының көмегімен тәртіп сақшылары бір мезетте жолдың үлкен бөлігін бақылай алады. Қарсы бағытқа шығатын, жылдамдықты асыру және жол белгілерін елемейтіндерді тез анықтайды. Әсіресе көлік ағыны көп тас жолдардың бойы назарда болмақ. Полицейлер көліктерді әуеден бақылау заңбұзушылықтарды азаюына сеп болады деп отыр.