БҚО-да математика, химия пәндерінің мұғалімдері тапшы

Батыс Қазақстан облысы мектептерінде математика және химия пәндерінің мұғалімдері жетіспейді. Орыс тілінде оқытылатын білім ордаларындағы кадр жетіспеушілігі сағат жүктемесін көбейту арқылы шешілмек.

Облыстық білім басқармасының мәліметінше, математика, химия пәндерінің мұғалімдерін дайындауға жыл сайын облыстық бюджеттен білім гранттары беріледі. Сонымен қатар, жергілікті жоғары оқу орындарында тоқсан сайын бос орындар жәрмеңкесі өткізіледі. Жалпы жаңа оқу жылында 382 мектепте 128 мыңнан астам оқушы білім алмақшы. 1-сыныпқа 11 мың 190 бала қабылданса, соның 77 пайызы қазақ тілінде оқиды.