Лондонда «Uber» такси қызметі лицензиясын қайтару үшін келіссөздер жүргізбек

Соңғы келіп түскен мәліметтер бойынша, Ұлыбритания астанасында аса танымал жолаушы тасымал қызметі жергілікті транспорт әкімшілігінен қызметін жалғастыруды сұрап отыр. «Uber» компаниясының өкілдері енді қала әкімі Садик Ханмен кездесуды талап етті.

Айта кетейік, жұма күні жергілікті әкімшіліктің бұйрығымен адамдардың қауіпсіздігіне нұқсан келтіретін жалдамалы такси қызметіне тыйым салынған болатын. Дегенмен, 630 мыңға жуық тұрғын бұған қарсылық білдіріп, бұл қызметті сақтап қалу петициясына қол қойған. Жоспар бойынша, Лондондағы «Uber» компаниясының лицензиясының мерзімі қыркүйектің 30-ы күні бітеді.

Мақпал СЕРЖАНҚЫЗЫ