Нью-Йоркте Трампқа қарсы шеру өтті

АҚШ-та президент Дональд Трампқа қарсы шеру өтті. Қарсылық акциясы Ақ үй басшысы Біріккен Ұлттар Ұйымының Бас Ассамблеясында сөз сөйлеу үшін Нью-Йоркке оралғанда  ұйымдастырылған. Демонстранттар оның отставкаға кетуін талап етіп отыр. Наразы халық «Трампты қызметінен аластату керек», «Үстемшіл ақ нәсілді билікте отыр», «Америка геноцид пен құлдық арқылы құрылды. Ұят!» деген баннерлер ұстап шыққан.

Айта кетейік, жақында Трамп Бас Ассамблеядағы алғашқы сөз сөйлер қарсаңда мәлімдеме жасады. Онда Америка президенті Біріккен Ұлттар Ұйымын бюрократия мен нашар басшылық үшін айыптады. Сонымен қатар, Трамп бұл халықаралық органды батыл реформалап, оны әлемдік бейбітшілік үшін ұлы күшке айналдыруды ұсынды.

Мақпал СЕРЖАНҚЫЗЫ