АҚШ сенаты Ресейге қарсы санкцияны күшейтті

АҚШ сенаты Ресейге жарияланған бұрынғы санкцияларды күшейту туралы заң жобасын мақұлдады. Егер Конгресі өкілдері палатасы қолдайтын болса, құжат президент Дональд Трампқа қол қоюға жіберіледі. Жаңа ережеге сәйкес, Ресейдің мұнай-газ экспорттау құбырларын дамытуға көмектескендердің әрекетіне шектеу қойылады. Сонымен қатар, сол кәсіпорындарды қаржыландыру мерзімі мейлінше қысқартылады. Ақ үй басшысына бұл санкцияларды өз бетімен жою қиынға соқпақ.

Естеріңізге сала кетсек, Вашингтон Ресейге қарсы экономикалық санкцияларды 2014 жылы Қырым Мәскеу қарамағына өтіп, Донбасста соғыс басталғаннан кейін жариялады.

Арыстан РЫСБЕК