Жаңалықтарды Telegram арнамыздан оқыңыз!Қытай өз тарихында алғаш рет ғарышқа жүк кемесін ұшырды. Осылайша, бұл мемлекет 2022 жылға дейін тұрақты орбиталық станция құру мақсатына тағы бір қадам жақындады.
«Тяньчжоу-1» ғарыш аппараты Хайнань провинциясындағы айлақтан бүгін кешке жақын көкке самғады және де бұл сәтті мемлекеттік телеарна тікелей эфирден көрсеткен.
Орбитада Қытайдың «Аспан сарайы» атты ғарыштық зертханасы бар. Оған былтыр қазанда екі астронавт ұшырылды. Олар бір айдан кейін Жерге оралды.
АҚШ Қорғаныс министрлігінің пікірінше, Қытай өзінің ғарыштық әлеуетін арттыра отырып, басқа елдердің дағдарыс туындаған жағдайдағы мүмкіндігін шектегісі келеді. Алайда, Бейжің ғарышты бейбіт мақсатта игереміз десе де, жерсеріктерге қарсы зымырандарды да сынап көрген.
Арыстан РЫСБЕК
