Бүгін бірнеше аймақтың басшысы ауысты

Бүгін Мемлекет басшысының Жарлығымен Ерлан Жақанұлы Қошанов Қарағанды облысының әкімі болып тағайындалды. Ол басқа қызметке ауысуына байланысты Қазақстан Республикасы Премьер-Министрі Кеңсесінің басшысы қызметінен босатылды.

Ал, бұған дейін Қарағанды облысын басқарып келген Нұрмұхамбет Қанапияұлы Әбдібеков Республикалық бюджеттің атқарылуын бақылау жөніндегі Есеп комитетінің төрағасы болып тағайындалды.

Сондай-ақ, бүгін Маңғыстау облысының әкімі ауысты. Аймақтың жаңа басшысы болып бұған дейін Қазақстан халқы Ассамблеясы төрағасының орынбасары болып келген Ералы Лұқпанұлы Тоғжанов тағайындалды.

Бақытжан ОМАР