М.Тәжиннің төрағалығымен Мемлекеттік рәміздер мәселелері жөніндегі республикалық комиссияның отырысы өтті

Мемлекеттік хатшы Марат Тәжиннің төрағалығымен Мемлекеттік рәміздер мен ведомстволық және оларға теңестірілген өзге де наградалар геральдикасы мәселелері жөніндегі республикалық комиссияның отырысы өтті. Жиында Ұлттық экономика министрі, Алматы қаласының және Батыс Қазақстан облысы әкімдерінің еліміздің басты нышандарын пайдалану және насихаттау жөніндегі жұмыстардың жай-күйі туралы есептері тыңдалды. Сондай-ақ, Индустрия және инфрақұрылымдық даму, Мәдениет және спорт министрліктерінің ведомстволық наградаларын бекіту туралы ұсыныстары қаралды. Отырыс соңында Мемлекеттік хатшы жауаптыларға бірқатар тапсырма берді.

Сәуле АЛДАМҰРАТ