Басты Жаңалықтар Атырауда мұнай-газ саласына қатысты VIII конференция өтті

Атырауда мұнай-газ саласына қатысты VIII конференция өтті

24.06.2014 08:00

Атырауда «Мұнай-газ саласының ғылыми-технологиялық және экологиялық мәселелерін математикалық модельдеу» атты VIII Халықаралық ғылыми-тәжірибелік конференция өтті.

Оған қатысушылар мұнай-газ саласының қазіргі заманғы дамуы мен маңызды бағыттарын талдады.

Шараға Ресей, Әзірбайжан, Өзбекстан мен Қазақстаннан 300-дей ғалым жиналды.

Олар ғылыми жұмыстарын өндіріспен байланыстырып, мұнай қабаттарын зерттеуге автоматты талдау жүйесі тәжірибесін енгізуді талқылады.

Басқосуға қатысқан ғалымдар әлем елдерінің мұнай-газ өндіруде экологияның бүлінбеуіне мүдделі екендерін жеткізді.

Сондықтан, әр мемлекеттің осы саладағы оң тәжірибесі сараланып, арнайы жүйеленді.

Зиядан Юлдашев, Ұлықбек атындағы Өзбекстан ұлттық университетінің профессоры:

Өнім өндіру, ғылым мен білімнің ара қатынасы ажырамауы керек. Соны білу - жастар үшін өте маңызды. Өйткені, білім мен ғылым - біздің болашағымыз. Ал, шикізат өндіру - күнделікті қажеттілік.

Батырбек ҚУАНДЫҚҰЛЫ

Бөлісу