Басты Жаңалықтар ЕАЭО ел дамуына серпін береді

ЕАЭО ел дамуына серпін береді

20.06.2014 05:30

Қырғыз Республикасы, Армения, Үндістан, Вьетнам елдері Еуразиялық экономикалық одаққа мүше болуға қызығушылық танытып отыр.

Үш елдің бұл бастамасы көпке үлге болатыны анық. Бұл туралы бүгін «Нұр Отан» партиясы Қоғамдық саясат институты директорының кеңесшісі Ғалым Байназаров айтты.

Мәселен, дамыған АҚШ пен Сингапур бірнеше ұйымның мүшесі. Олардың экономикасы өзге елдерден көш ілгері.

Сондықтан, Еуразиялық экономикалық одақ Қазақстанның дамыған 30 елдің қатарына енуіне серпін береді.

Өйткені, отандық өнім үлкен нарыққа шығып, тауарлардың бәсекеге қабілеттілігі артады.

Ғалым Байназаров, «Нұр Отан» партиясы Қоғамдық саясат институты директорының кеңесшісі:

Мұның барлығы халықтың тұрмысын көтеру үшін жасалып жатыр. Ол үшін экономика көтерілуі керек. Ал, экономика көтерілуі үшін бәсекелестік керек. Бәсекелестікке үлкен экономикалық кеңістік керек. Бір-бірімен байланысты. Түптеп келгенде бұдан халық ұтады.

Сәкен СЕЙІТХАНҰЛЫ

Бөлісу