Алматы облысының Суықсай ауылында жаңа мешіт ашылды

Алматы облысы Ақсу ауданы Суықсай ауылында жаңа мешіт ашылды. Күмбезі көкпен таласқан Алла үйін салуға жергілікті тұрғындар мен ауылдың 1972 жылғы азаматтары  ұйытқы болған.  Бұрын 1800-ден аса тұрғыны бар Суықсай ауылында мінәжат орны болмаған. Тұрғындар жұма намазын оқуға ескі мектепке баратын.

Бір мезетте 100-ден астам адам намаз оқи алатын жаңа мешітте барлық жағдай жасалған. Құрылыс жұмыстарына 3 жылдан аса уақыт кеткен.  Мешітте ең алғашқы намаз оқылып, уағыз айтылды. Имандылық үйі алдағы уақытта да жастарды ізгілік пен мейірімділікке тәрбиелеуге сеп болмақ.  

«YouTube»-тағы «Qazaqstan TV» арнасына жазылып, AppStore және Google Play сервистерінен «Qazaqstan TV» мобильді қосымшасын тегін жүктеп алыңыз.