Жаңалықтарды Telegram арнамыздан оқыңыз!Жүргізіліп жатқан интеграциялық үрдiстер шағын және орта бизнестi, оның ішінде ауыл шаруашылығы саласындағы бизнесті дамытуға мол мүмкiндiк берiп отыр.
Бұл туралы бүгiн Орталық коммуникациялар қызметіндегі брифингте Ұлттық кәсiпкерлер палатасының Агронеркәсiптiк кешен комитетiнiң өкілдері хабарлады.
Палата өкілдерінің айтуынша, әсіресе, атакәсіпті дамытуға үлкен мүмкіндік бар. Мысалы, 90 жылдардың басында елдегі қой саны 35-37 миллион болса, бүгінде бұл сан тек 18 миллионға жуықтайды.
Қазір бір ғана Иран жылына 40 мың тонна қозы етін сатып алуға сұраныс білдіріп отыр. Бірақ Қазақстан оны қанағаттандыра алмайды.
Дегенмен, кәсіпкерлерге жан-жақты жағдай жасалуда. Атап айтсақ, Кедендік одақтың шекарасында ветеринарлық бақылау жеңілдетіліп, рұқсат рәсімдеуде қағазбастылық азайтылған.
Дулат АБИБУЛЛАЕВ
