Жаңалықтарды Telegram арнамыздан оқыңыз!Қазақстанда жұмыссыздық деңгейі тұрақты түрде төмендеп келеді. Бұл туралы Қазақстан Республикасы Еңбек және халықты әлеуметтік қорғау министрі Мәдина Әбілқасымова айтты. Соңғы 10 жылда жұмыссыздардың қатары 180 мың адамға азайған. Қазақстанда еңбекке қабілетті 8 миллион 980 мың адам бар. Былтыр жалдамалы жұмыскерлердің саны 1,8 пайызға өссе, өзін-өзі жұмыспен қамтып отырғандар 4,5 пайызға азайған. Сондай-ақ, министрліктің алқа отырысында әлеуметтік төлемдерге енгізілген бірқатар өзгерістер де айтылды. Солардың бірі - атаулы әлеуметтік төлем. 1-қаңтардан бастап қолданысқа енгізілді. Әлеуметтік төлем кірістері жан басына шаққандағы ең төменгі күнкөріс деңгейінің 50 пайызынан төмен болған отбасыларға беріледі.
Оңғар АЛПЫСБАЙҰЛЫ
