Жаңалықтарды Telegram арнамыздан оқыңыз!Елбасы Нұрсұлтан Назарбаевтың жақында жарыққа шыққан «Тәуелсіздік дәуірі» кітабында еліміздің егемендік жолындағы еселі еңбегі жан-жақты баяндалған. Астанада өткен арнайы жиында осы кітаптағы «Қазақстанның бейбітшілік қолдау миссиясына» арналған тақырып талқыға түсті. Басқосуда мемлекетіміздің 26 жылдық Тәуелсіздік дәуіріндегі ішкі және сыртқы сын-қатерлерді еңсеруге байланысты қабылданған шешімдердің мән-жайы айтылды. Қазақстанның бейбітшілікті қолдау миссиясы жолында жаппай қырып-жою мен ядролық қарудан бас тартуы, сыртқы саясаттағы бітімгершілік рөлі еліміздің аз уақытта жеткен зор жетістігі екенін баса айтты мамандар.
Құрманғали Дәркенов, Л.Н.Гумилев атындағы ЕҰУ профессоры:
- Сирияға, Ресейге қатысты санкцияға және Украинадағы жағдайға байланысты Қазақстанның басшы өзінің пікірін білдірді. Яғни, біздің қазіргі таңдағы мақсатымыз - халықаралық тұрақтылықты сақтау, қауіпсіздікті қамтамасыз ету.
