Президент Анатолий Молодовтың дүниеден өтуіне байланысты көңіл айту жеделхат жолдады

Мемлекет басшысы Нұрсұлтан Назарбаев белгілі хор дирижері, педагог Анатолий Молодовтың дүниеден өткені туралы хабарды зор күйзеліспен қабылдап, марқұмның отбасына көңіл айту жеделхатын жолдады. «Ол өмірінің көп жылын мәдениеттің биік мұраттарына қызмет етуге арнады. Оның есімі Қазақстан хор өнерінің қалыптасуы мен дамуының тұтас бір кезеңімен байланысты», – делінген көңіл айту жеделхатында.