Басты Жаңалықтар Депутат ұсынысын қолдаушылар көп

Депутат ұсынысын қолдаушылар көп

05.02.2014 05:30

Нұрсұлтан Назарбаев Қазақстан халқына арнаған Жолдауында Үкіметке төртінші мұнай өңдеу зауытын салуды тапсырған болатын. Осыған орай Мәжіліс депутаты Андрей Бегенеев зауытты Жезқазған қаласына салу туралы айтқан ұсынысын арнамыздан 20-шы қаңтар күні көрсеткен едік. Қазір осы ұсыныс қоғамда қызу талқыға түсіп, депутаттың идеясына қолдау танытып жатқандардың қатары артуда.

Жезқазған қаласының кәсіпкерлер қауымдастығының бір топ өкілі төртінші мұнай өңдеу зауытын осы қалаға салу көптеген мәселелерді шешуге болады деп, Парламент пен Үкіметке арнайы хат жолдайтындықтарын жеткізіпті.

Ең бастысы Бейнеу-Жезқазған теміржолы, Қызылорда-Павлодар және Атасу-Алашанькоу мұнай құбырлары шикізаттан тапшылық көрсетпейді. Оның үстіне Жезқазғандағы өндірістік кешендер арқылы мұнай өнімдерінен тұрмысқа қажетті көптеген дайын заттарды шығаруға орасан мүмкіндік бар.

Андрей Бегенеев, ҚР Парламенті Мәжілісінің депутаты:

Президент Жолдауында шикізаттан дайын тауар шығаруға көшу керек, деп айтты. Ал Жезқазған аймағы 4-ші мұнай өңдеу зауытының арқасында тұрмысқа қажетті көптеген заттарды шығаруға мүмкіндігі бар. Пластмассаның өзінен бірнеше бұйым жасауға болады. Ең бастысы жұмыс орындары ашылар еді.

Ғабит ҰЗАҚБАЙ

Бөлісу