Астанада ядролық қауіпсіздік мәселесі талқылануда

Пагуош ғалымдары ядролық қауіп-қатерге қарсы тұрудағы басты тетіктерді талқылап жатыр. Бірер сағат бұрын Астанада басталған жиынға Біріккен Ұлттар ұйымының, халықаралық ұйымдардың өкілдері, қауіпсіздік саласындағы сарапшылар қатысуда. Жиын 4 күнге созылады. Басқосуды ашқан Сенат Төрағасы  Қасым-Жомарт Тоқаев барша адамзаттың бейбіт және тұрақты келешегі жолындағы күресте Қазақстанның қосқан тарихи үлесі зор екендігін атап өтті.

Бұл ретте Мемлекет басшысының Ядролық қарудан азат әлем құру туралы жалпыға бірдей декларациясының да әсері бар. Әлемдік қауымдастық Қазақстанды ядролық қаруға қарсы қозғалыстың көшбасшысы деп біледі. 

Жазира ДОСМАҒАНБЕТ