Алматы облысында су тасу қаупі бар 56 учаске анықталды

Алматы облысында су тасу қаупі бар 56 учаске анықталды. Қазір барлық құзырлы орган өкілдері тасқынның алдын алу жұмыстарына кірісті. Облыс орталығы Талдықорған қаласында Қаратал өзенінің жағасын бекіту жұмыстары жүріп жатыр.

Былтыр су шайып кеткен аумақтар қалпына келтіріліп, дамбалар тұрғызылуда. Сондай-ақ, қала маңындағы су қоймаларда күнделікті кезекшілік орнатылып, су деңгейі бақылауға алынды. Жалпы облыс бойынша су тасқынының алдын алу шараларына 450 млн. теңгеге жуық қаржы қарастырылып отыр.

Қуаныш ҚАНАТҰЛЫ