Маңғыстау облысында 5 сарбаз жарақаттанды

Маңғыстау облысында 5 әскери қызметші жарақат алды. Оқиға Бейнеу ауданында кеше күндіз сағат 11-лер шамасында болған. Сарбаздар - 99116 әскери бөлімінде әскери борышын өтеп жатқандар. Аталған дерек бойынша тексеру басталды.

Ғани Нүсіпов,  ҚР Қорғаныс министрлігінің офицері:

Оқу-жаттығу полигонын жоспарлы тазалау барысында бес әскери қызметші жарақат алды. Оларға қажетті медициналық көмек көрсетілді. Дәрігерлер әскери қызметкерлердің жағдайын қанағаттанарлық деп бағалауда.