Қазақстанда Ленин атындағы 352 көше бар

Тәуелсіз Қазақстанда аты өшпей тұрған күн көсем. Ащы да болса шындық - осы. Елімізде әлі күнге дейін Лениннің атында 352 көше бар. Бұл - тек бір ғана мысал.

Ал, қазаққа қатысы шамалы қаншама адамның есімі «үйіміздің қабырғасында» таңбаланып тұр. Бұлар - кеңестік, тіпті патша заманымен байланысты көше атаулары. Әсіресе, Солтүстік Қазақстан облысындағы 650 елді мекеннің 35 пайызы ғана қазақшаланған.