Ақтөбе облысында заңсыз саятшылық құрғандар ұсталды

«Toyota Land Cruiser» автокөлігіне мінген 6 адам 50-ден астам ақбөкенді жайратып салған. Браконьерлерлер олардың мүйізін кесіп алып, өлекселерін далаға тастап кеткен.

Ұсталғандардың бәрі де Қызылорда облысының тұрғындары. Олардан 2 дана мылтық, оқ-дәрі және мүйіз кесетін аралар тәркіленді. Қазір аталған дерек бойынша қылмыстық іс қозғалды.

Егер күдіктілердің кінәлары дәлелденсе, бес жылға дейін бас бостандығынан айрылады немесе 5 мың АЕК көлемінде айыппұл төлеулері тиіс.

Жақсыбек КЕМАЛ