Елімізде жеңіл өнеркәсіп өрге басар емес

Бір ғана дәлел, 10 мың тонна жіптен мата жасауға әлеуеті жететін Қазақстанда тек 1 мың тонна жіп кәдеге жаратылады. Яғни, қолда бар мүмкіндіктің 1/10 ғана пайдаланылады.

Жалпы қуаты 30 мың тоннаға жететін өндіріс орындарында бар-жоғы 5 тонна жіп иіріледі екен. Мақта, жүн, тері шикізатының молдығына қарамастан, импортқа тәуелділік бар.

Жыл сайын отандық комбинаттарда өңделетін 170 миллион шаршы метр тері түгелдей Қытай мен Италияға экспортталады. Ал, сосын ол қымбат бағамен елге қайтып келеді.

Парламент Мәжілісінің Өңірлік саясат және мәслихаттармен жұмыс жөніндегі кеңес отырысында осы мәселе сөз болды. Мамандар саланы дамытудың алғышарттарын талқылады.

Шынар АСАНҚЫЗЫ