Қатты желден елордадағы ғимараттар шатырсыз қалды - «Qazaqstan» Ұлттық телеарнасы

Қатты желден елордадағы ғимараттар шатырсыз қалды

26.04.2014
Қатты желден елордадағы ғимараттар шатырсыз қалды

Бүгін таңертеңнен Астанада епкінді жел соғып, қар аралас жаңбыр жауды. Қалада желдің  күштілігі секундына 30 метрге дейін жетті.

 
Қатты жел елордадағы Сәкен Сейфуллин атындағы Қазақ агротехникалық университетінің екі ғимараты мен бір орта мектептің шатырын ұшырып әкеткен.
 
Оңтүстік Қазақстан облысында желдің жылдамдығы секундына 25-28 метрге дейін жеткен. Нәтижесінде 1 мектептің шатыры ұшып, 2 адам жарақат алды.
 
Қарағанды облысында дүлей дауыл 3 мекеменің шатырын жұлып кетсе, Қостанай облысында қатты желден 14 қабатты үй газсыз қалған.
 
Синоптиктердің айтуынша, алдағы екі күнде еліміздің солтүстік облыстарында қар аралас жаңбыр жаууы ықтимал.
 
 
Индира БЕГАЙДАР

Хабарламаларға жазылу