Жаңалықтарды Telegram арнамыздан оқыңыз!Жамбыл облысының Қордай ауданы аумағында болған көлік апатынан 9 адам қаза тапты. Тағы 11 жолаушы ауруханаға жеткізілді.
Апат түнгі сағат 10-дар шамасында Алматы-Ташкент тасжолының бойында болған. Ішінде 53 жолаушысы бар, Өзбекстан Республикасына қарай бағыт алған автобус «Мерседес» шағын автобус көлігімен соқтығысқан.
Апаттан қайтыс болғандардың біреуі - көлік жүргізушісі, өзгесі - көршілес Қырғыз елінің азаматтары. Көлік апатына тап болған жолаушыларды құтқаруға төтенше жағдайлар қызметінің 2 техникасы мен 9 қызметкері жұмылдырылды. Бұл оқиғаға байланысты облыстық Ішкі істер департаменті әзірге қандай да бір мәлімет беруден бас тартып отыр.
ҒаниҚАЛМАХАНОВ
