Жаңалықтарды Telegram арнамыздан оқыңыз!Осымен екінші рет ұйымдастырылған жарыс Астананың 20 жылдық мерейтойына орайластырылған. Төл ойынды насихаттауға Ұлттық музей мен Асық ату федерациясы мұрындық болған. Бас шаһардың 8 мектебінен жиналған жас өрендер өзара кім мықтыны анықтады. Ұйымдастырушылар болашақта асық ойынының ауқымын кеңейтіп, турнирді дәстүрлі бәсекеге айналдыруды көздеп отыр.
Айгүл Кеменгерова, Ұлттық музей эстетикалық тәрбие беру секторының жетекшісі:
- Біз жыл сайын ұйымдастыруға тырысамыз. Жылына екі рет те ұйымдастыруымыз мүмкін. Өйткені, балалар үлкен қызығушылық танытып жатыр. Асық ату федерациясы да бізге өтініш жасап, Ұлттық музей осындай шараларды қолдап отырады.
Елдос САПАРҒАЛИ
