Қызылордада білім беру ісінің үздігі Мәжит Өтемұратовты еске алуға арналған турнир өтті

Шағын футболдан ұйымдастырылған сайысқа 16 команда қатысты. Турнирдің жүлде қоры - 1 миллион теңге. Сондықтан, аяқ допшылар жарысы өте тартысты болды. Мәжит Өтемұратов  еліміздің білім беру саласының дамуына өзіндік үлес қосты. Ғылыми-әдістемелік жұмыстары  бүгінгі күні оқу процесінде пайдаланылып жүр. Шараға жиналған оның әріптестері мен замандастары, шәкірттері ұлағатты ұстаз туралы жақсы пікірлер айтып, командаларға сәттілік тіледі. 

Ибраким Нұрпейісов, шараны ұйымдастырушы:

- Қазақстан Республикасына еңбегі сіңген білім қызметкері Мәжит Өтемұратов атындағы турнир биыл екінші мәрте ұйымдастырылып отыр. Бұл турнирдің негізін 2019 жылы халықаралық турнирге дейін жеткізу міндетіміз деп ойлаймын.

Ақерке БЕРІКБЕКҚЫЗЫ