Атырауда парадзюдодан «Гран-при Қазақстан 2017» бірінші халықаралық турнирі өтті

Жарыста  Қазақстан, АҚШ, Ресей, Грузия, Қырғыз елі және Оңтүстік Кореядан келген 50 дзюдошы бақтарын сынады. Жеті салмақта белдескен спортшылар арасынан жерлестеріміздің мерейі үстем болып, командалық есепте 1-орынды иеленді. 2-орын Ресей, ал, 3-орын АҚШ палуандарына бұйырды. Ұйымдастырушылардың басты мақсаты - бұл турнирді паралимпиадаларға лицензиялық ұпайлар берілетін жарыс ретінде тіркеу. Ал, белдесулерде алтын алғандардың бірі 2015 жылғы Әлем чемпионатының қола жүлдегері, Рио Паралимпиадасына қатысушысы атыраулық Әнуар Сариев.