Астанада «Steppe Fighters» кикбоксингтен төртінші рейтингілік кәсіпқой жекпе-жектің салмақ өлшеу рәсімі өтті

Бұл сайыстың мақсаты – қазіргі таңдағы қазақ батырларының есімдерін әлем аренасына шығару. Шараға Қазақстаннан басқа, Өзбекстан, Украина және Иран елдерінен келген спортшылар қатысады. Салмақ өлшеу кешінде Астана қаласының тұрғындары мен қала қонақтары спортшылармен танысты. Бұл батырлардың айқасы бүгін сағат 19:00-де «Қазақстан» спорт кешенінде өтеді.

Айта кетсек, жылдың соңына қарай жеңімпаз спортшыға «Steppe Fighters» турнирінің белбеуі беріледі.