Алматыда еліміздегі ең бірінші «Еркін күрес академиясы» ашылды

Еркін күрес федерациясы мен спорт түрлері Конфедерациясы, сондай-ақ, Ұлттық олимпиада комитеті бірігіп ашқан залда 50 адамның еркін жаттығу жасауына мүмкіндік бар. Мамандардың айтуынша, академияға 18 бен 23 жас аралығындағы жас палуандар қабылданады. Кешенде әлемдік талаптарға сай спортшыларға қажетті жағдайдың бәрі жасалған. Арнайы жаттығу залы, жүгіретін жолдар, жатын орын, спорттық тағам түрлері қарастырылған. Дәл қазір залда жастармен қатар, Париж қаласында болатын Әлем чемпионатына қатысатын палуандар жаттығу жасап жатыр.

Амангелді СЕЙТХАН