Жапонияда өткен Қысқы Азия ойындарында өнер көрсеткен спортшылар елге оралды

Жанкүйерлер әсіресе, конькимен жүгіруден үшінші орынды жеңіп алған Федер Мезенцевті, шаңғымен тұғырдан секіруден күміс жүлде еншілеген Сабыржан Мүмінов пен Константин Соколенко және хоккейден үшінші орын алған қыздар құрамасын айрықша құрмет қошеметпен қарсы алды. Жүлдегерлер Жапония жеріндегі жарыс сәтті өтсе де, іште сәл «әттеген-айлары» бар екенін айтып, келесі жарыстарда бұл тұғырдан да биіктен көрінуге талпынатындықтарын жеткізді.