Қысқы универсиаданың басталуына 9 ай қалды

Көшпелі жұмыс кеңесінде қала әкімі Бауыржан Байбек осыны жеткізді. Жарысқа әзірліктің жай-жапсарымен танысып, құрылыс барысын тексерген шаһар басшысы Президенттің тапсырмасын орындау үшін Универсиаданың бюджеті 2 есе қысқарғанын еске салды.

Алайда, бұл жарыстың спорттық бағдарламасына әсер етпейді. Шара халықаралық талаптарға сай өтеді. Тіпті, қазір қаржылық дағдарыс қыспағына қарамастан, спорт нысандарында алматылықтар тұрақты жұмысқа орналасуда.

Жалпы, айтулы сайыстың басталуына 9 ай қалды. Сондықтан, құрылыс жұмыстары қарқынды. Барлық нысан қыркүйекте толық аяқталады.

Алмат ӘБДІРАМАН