Алматы облысында Президент Кубогы үшін ат спортынан турнир өтті

Сайысқа Қазақстан, Қырғызстан және  Өзбекстаннан келген  атбегілер мен шабандоздар қатысты. Биыл 17-рет  ұйымдастырылған жарыста құнан бәйге, тоқ бәйге, жорға жарысы, аламан бәйге бойынша үздік тұлпарлар анықталды.

Сондай-ақ, көкпар тарту, теңге ілу, қыз қуу және аударыспақ  ұлттық ойындары   көпшілік назарына ұсынылады. Айта кетейік, Аламан бәйгеде  Жамбыл облысының тұлпары «Аттила» бірінші орынды иеленді.  

Аманкелді СЕЙТІХАН