Талдықорғанда «Батыр ел үшін туады» атты Street Workout экстремалды спорт жарысы өтті

Облыс көлемінде алғаш рет ұйымдастырылған чемпионатқа ұйытқы болған жастар саясаты мәселелері басқармасы. Сайысқа 9 ауданнан 20-дан астам спортшы қатысты.

Жастар алдымен «фристайл», яғни еркін жаттығулар орындап өзара мықтыларды анықтаса, екінші кезеңде турникте белгілі бір тапсырмаларды орындады.

Street Workout елімізде енді ғана қанат жайып келе жатқан спорт түрі. Астанада өткен Әлем чемпионатынан кейін жастар білек күшін сынайтын бұл көше спортына ерекше зейін қоя бастады.

Қуаныш ҚАНАТҰЛЫ