Еліміз ауыр атлетикадан Әлем чемпионатын өткізуге дайын

Оған дүниежүзінің 75 елінен 683 ауыр атлет қатысады деп жоспарлануда.

Бұл сында ел намысын негізгі құрамдағы 15 атлет пен қосалқы құрамдағы 4 спортшы қорғайды.

Олардың қатарында Илья Ильин, Зүлфия Чиншанло, Майя Манеза, Светлана Подобедова сынды 9 олимпиада чемпионы бар. 

Осыдан екі ай бұрын Дүниежүзілік ауыр атлетика федерациясының бас директоры Аттила Адамфи Қазақстанға келіп, спортшылар жарысқа түсетін залды, жарыс және дайындық аймағын тексеріп оң бағасын беріп кеткен.

Алматыда өтетін сайыста 2016 жылы Рио-де-Женейро қаласында өтетін Олимпиада ойындарына алғашқы ұпайлар үлестіріледі.

Рустам БАЙДӘУЛЕТ