Қазақстандық волейболшылар екінші топтық кезеңге жолдама алды

Италияда волейболдан әйелдер арасында әлем чемпионаты жалғасуда. «С» тобындағы Қазақстан құрамасы топтық кезеңдегі соңғы шешуші кездесуін Таиланд волейболшыларымен өткізіп, 3-0 есебімен жеңіске жетті.

Ойынның алғашқы бөлімде қыздарымыз 25-12 есебімен жеңсе, екінші кезеңді 25-22 нәтижесімен, ал соңғы партияны 25-20 есебімен аяқтады.  Осылайша жерлестеріміз өз тобында 6 ұпай жинап, екінші топтық кезеңге жолдама алды. Айта кетейік, бұған дейін қазақстандық қыздар мексикалықтарды дәл осындай есеппен ұтқан болатын.  

Рустам БАЙДАУЛЕТ