Қазақстандық семсерлесушілер жартылай финалға өте алмады

Бүгін Оңтүстік Кореяның Инчхон қаласында өтіп жатқан Азия ойындарында семсерлесуден жарыстар аяқталды.

Қазақстанның әйелдер құрамасы: Әсел Әлібаева, Жәмила Жүнісбаева, Ульяна Балаганская Жапония құрамасынан ұтылып, жартылай финалға өте алмады. Есеп – 31:45.

Жапониялық спортшылар жарыстың қола жүлдесін иеленді. Екінші қола жүлде Гонконг құрамасының иелігінде. Ал, Қытай және Оңтүстік Корея ойыншылары – финалда.

Фото: hotwalls.ru