Инчхон қаласында Азия ойындарының төртінші жарыс күні аяқталды

Оңтүстік Кореяның Инчхон қаласында өтіп жатқан XVII Жазғы Азия ойындарында қазақстандық дзюдошылар татами иелерімен финалдық бәсекеде күш сынасты.

Алдымен Азамат Мұқанов қарсыласын ұпай санымен ұтты. Одан кейін 73 келідегі Дастан Ықыбаевта қарсыласына жол берсе, 81 келіде Әзиз Қалқаманұлы жеңілді.

Ал, 90 келі салмақтағы кореялық палуан Тимур Болатты таза ұтты. Сөйтіп, ел құрамасы күміс жүлдені қанағат тұтты.

Ал, суға жүзуден Дмитрий Баландин ел қоржынына алтын медаль салды. Ол брасс әдісімен 200 метр қашықтықты 2 минут 7 секундта бағындырып, жаңа рекорд орнатты.

Нұрсұлтан Тұрсынқұлов ушу-саньдадан қола медальға ие болды.

Рустам БАЙДӘУЛЕТ