Жаңалықтарды Telegram арнамыздан оқыңыз!Астаналық «Барыс» Құрлықтық хоккей лигасының жаңа маусымын жеңіспен бастады.
Елордалық команда өз айдынында уфалық «Салават Юлаев» хоккейшілерін қабылдап, 5:4 есебімен жеңіске жетті.
Тартысқа толы болған ойынның 4 минутында «Барыс» сапынан Найджел Доус есеп ашса, 3 минуттан кейін Дастин Бойд есепті еселей түсті.
Ал, бірінші кезеңді Андрей Назаров шәкірттері 3:0 есебімен аяқтады. Екінші кезеңде қарсыластар жиі шабуыл ұйымдастырып, «Барыс» қақпасына 4 шайба соқты.
Үшінші кезеңде таблодағы көрсеткішті Кевин Даллмэн теңестірсе, ойынның соңғы секундында Найджел Доус жеңіс шайбасын соғып, есепті қорытындылады.
Рустам БАЙДӘУЛЕТ
