Басты Жаңалықтар Автошерушілер Олимпиадашыларды қолдады

Автошерушілер Олимпиадашыларды қолдады

08.02.2014 08:30

Қарағандыда 22-ші Қысқы Олимпиада ойындарына қатысып жатқан қазақстандық спортшыларды қолдауға арналған автошеру өтті. Еліміздің көк байрағын көкке көтерген 10-нан астам көлік қаланың орталық көшелерімен жүріп өтті. Мұз сарайынан басталған автошеру «Шахтер» стадионында аяқталып, эстафетаны Қарағанды спортшылары қабылдап алды. Олардың құрамында қысқы спорт ойындарында үздік өнер көрсетіп жүрген сайыпқырандарымыз бар.

Юрий Мальчушкин, шеруге қатысушы:

Біз салауатты өмір салтын қолдаймыз. Бұқаралық спортты дамытуға аз да болса, өз үлесімізді қосайық деген ниетпен автошеруге шықтық. Сондай-ақ, Олимпиада ойындарында Қазақстанның намысын қорғайтын жерлестерімізге сәттілік тілейміз.

Руслан НҰРЛАНҰЛЫ

Бөлісу