Петропавлда заманауи кешен бой көтереді

Петропавл қаласының орталығында заманауи тұрғын үй және бизнес кешенінің құрылысы жүріп жатыр.

Оның құрамында екі көпқабатты тұрғын үй, бірнеше қонақүй, коммерциялық нысандар, демалыс аумағы, сондай-ақ спорт және балаларға арналған алаңқайлар бар. Кешен Аяған Шәжімбаев және Мағжан Жұмабаев көшелерінің қиылысында орналасқан. Екі тұрғын үйде 300-ге жуық пәтер болады. Сонымен қатар абаттандыру жұмыстарына ерекше көңіл бөлінбек. Аталған жобаны түркиялық  компания жүзеге асырады.

Туран Дерйа, жоба жетекшісі:

Нысан «Park Avenue» деп аталады. Үйлер 22 және 23 қабатты болады. Жанында 9 қабатты қонақүйлер орналасады. Жерасты автотұрақ салынады. Қаланың көркін аша түсетін әдемі, заманауй талаптарға сай нысан салынады.