Жаңалықтарды Telegram арнамыздан оқыңыз!Сочиде XXII Қысқы Олимпиада ойындары 3,5 мың дүркін атылатын отшашумен ашылады. Дүбірлі доданың ашылу салтанаты бүгін «Фишт» Олимпиада стадионында Астана уақытымен сағат 22:14-те басталады.
Мұндағы қойылымдарға би, балет, акробатика, цирк нөмірлерін қосқанда жоғары және орта оқу орындарында білім алатын барлығы 3000-нан астам жас, сондай-ақ, кәсіби шығармашылық ұжымдары қатысады. Шараға қатысушылар үшін 6000-нан астам костюм тігілген.
Ұйымдастыру комитеті баспасөз қызметінің хабарлауынша, спортшылар сахнаға стадион орталығында орналасқан 48 метрлік арнайы қалқа арқылы көтеріледі. Ұлттар шеруіне 88 делегация өкілдері қатысады.
