Павлодарда үш мыңнан астам адам банкрот деп танылды

Елімізде жеке тұлғалардың банкроттығы жайлы заң күшіне енген күннен бастап Павлодар облысында 18 мыңнан астам адам өтініш берген. Төлемге қабілетсіз болып қалған 3361 азаматтың борыш жүктемесі алынып тасталды. Қазіргі уақытта тағы 56 жеке тұлғаның банкроттығы қаралып жатыр. Өңірде қаржылық міндеттемелерін орындай алмайтын жағдайға тап болғандардың көпшілігі кәсіпкер немесе бюджеттік мекеме қызметкерлері емес, жұмыскерлер.

Банкроттық туралы заңнама жұмыс істей бастағалы үш жылдан асты. Биылғы жылдың наурыз айынан бастап рәсімдер жеңілдетілген. Мәселен, ломбардтар соттан тыс банкроттық кезінде кредиторлар қатарынан шығарылады, бұл азаматтардың көпшілігіне рәсімді пайдалануға мүмкіндік береді. Бұдан бөлек азаматтар борышы 1600 АЕК-тен аспаса және мерзімді қарызын қайтаруды 5 жылдан астам уақытқа кешіктірген болса мәселелерін бұрынғыдай 6 ай ішінде емес, 1 айда шеше алады. Департамент деректеріне қарағанда 350 мыңнан астам адам осы талаптарға сәйкес келеді екен.