Манарбек Ержановтың есімі Түркияда ұлықталды

ТҮРКСОЙ халықаралық ұйымының Анкарадағы штаб пәтерінде қазақтың күміскөмей әншісі, композитор Манарбек Ержановқа арналған жиын өтті. Мәдениет қайраткерінің туғанына 125 жыл толуына орай ұйымдастырылған шараға Қарағандыдан арнайы барған өнерпаздар мен қазақ-түрік зиялы қауым өкілдері де қатысты. Салтанатты жиында Манарбек Ержановтың қазақ өнеріне қосқан орасан зор үлесі туралы айтылды. Бүгінге дейін бізге композитордың 150-ден аса музыкалық шығармасы жеткен. Жиында қазақстандық өнерпаздар ән мен жырдан шашу шашып, түрік көрерменіне Манарбек Ержановтың мол мұрасын таныстырды.