XX жазғы Азия ойындары тікелей эфирде көрсетіледі

«Qazaqstan» және «Qazsport» телеарналары XX жазғы Азия ойындарын тікелей эфирде көрсетеді. Сары құрлық бәсекесі 19 қыркүйек пен 4 қазан аралығында Жапонияның Аичи префектурасы мен Нагоя қаласында өтеді. Байрақты бәсекеде 43 спорт түрінен 71 бағдарлама бойынша жарыстар ұйымдастырылып, 469 медаль жиынтығы сарапқа салынады. Тікелей трансляциялармен қатар, көрермендерге Азия ойындарына арналған студиялық бағдарламалар мен тікелей қосылымдар ұсынылады. Сонымен қатар «Қазақстан» телерадиокорпорациясының тілшілері Жапониядан арнайы репортаждар әзірлеп, жарыс барысы мен соңғы жаңалықтарды әлеуметтік желілерде жедел жеткізеді.