Жаңалықтарды Telegram арнамыздан оқыңыз!Сочиде өтетін ХХІІ Қысқы Олимпиада ойындарын қазақстандықтар «KAZsport» және «Хабар» телеарналары арқылы тамашалай алады. Бұл жөнінде ҚР Мәдениет және ақпарат министрлігі Мұрағат және ақпарат комитетінің төрағасы Болат Қалианбеков мәлім етті.
Биыл тұңғыш рет Олимпиада ойындарын ««Хабар» және «KAZsport» телеарналары көрсету құқығын алып отыр, деп атап өтті Болат Қалианбеков.
Оның айтуынша, қазақстандықтар Олимпиада ойындарының ашылу салтанатын 7 ақпан күні Астана уақыты бойынша кешкі сағат 22.00-де көре алады.
Ашылу рәсімі 3,5 сағатқа жалғасады. Ал, Олимпиаданың жабылу рәсімі 23 ақпанға жергілікті уақытпен кешкі сағат 22.00-ге жоспарланған.
«Жалпы, тікелей эфир арқылы 19 көрсетілім және 350 сағаттық хронометражды жазылым жоспарланған», дейді комитет төрағасы. Оның ішінде «Хабар» - 51 көрсетілім, оның 34-і тікелей эфир, «KAZsport» - 140 көрсетілім, оның 78-і тікелей эфир арқылы ұсынылатын болады.
