Мэлоун: Сочи мен Ванкувердің ұқсастығы көп

Сочи Олимпиадасында жасалған жағдай Ванкувердегіге ұқсайды, дейді америкалық шорт-трекші Джордан Мэлоун.

 

Олимпиадада шорт-трек жарысы 10 ақпан күні өтеді. Ванкувер Олимпиадасының қола жүлдегері Джордан Мэлоун бағдарламаның екі түрінен жарыс жолына шығады. Бірінде - ерлер арасындағы 500 метрлік жарыс болса, екіншісі - 5000 метрлік эстафета жарысы.

 

«Мұндағы жасалған жағдай Ванкувердегіге өте ұқсайды. Тек жалпы пішіні ғана өзгеше. Егер айырмашылықтарын іздейтін болсақ, онда Ванкуверде барлық әрекет бағдарлама бойынша өте қатал жүретін еді. Тіпті, жуыну үшін де басқа жаққа баруға тура келетін. Ал мұнда кез келген жерге велосипедпен немесе жаяу-ақ жетіп аламыз. Ал спорттық нысандар Ванкувер нысандарынан аумайды», дейді ол.