Халықтық Конституция адами құндылықтарға басымдық береді

Конституцияның қолданысқа енуімен Қазақстан халқы адам құқығын қорғауды басшылыққа ала отырып, демократиялық дамудың жаңа кезеңіне қадам басады. Түркиялық сарапшы, Сабахаддин Заим унверситетінің ректоры Ахмет Жеват Ажар осындай пікірде.

Кез келген елдің ең бірінші байлығы – адам. Қазақстанның жаңа халықтық Конституция қабылдауы – сол адамға қолайлы жағдай туғызу үшін жасалған қадам. Билік пен халық арасындағы байланысты нығайтып, заңдардың орындалуын барынша жеңілдету. Қоғамдық институттардың жұмысын біріздендіріп, халықтың құқығын қорғау. Бауырлас Қазақстандағы жаңа Ата Заң осы қағидаттарды нақты бекітіп берді.