Түркі дүниесі мен Ислам әлемінің құндылықтары ортақ

Түркі дүниесінің бай мұрасы Ислам өркениетінің ажырамас бөлігі. Түркітану мен исламтану салаларындағы зерттеулер бір-бірін толықтырып, халықаралық ғылыми ынтымақты тереңдетуге көп үлес қосты. Ыстанбұл қаласында басқосқан Түркі Академиясы мен Ислам тарихы, өнері мен мәдениетін зерттеу орталығы ғалымдары осындай пікір білдірді. Жиында Түркі академиясы мен Ислам тарихын зерттеу орталығының ортақ мәдени мұраны зерттеуге бағытталған бірлескен жобаларын жүзеге асыру жайы талқыланды. Басқосуда ғалымдар Түркі академиясының жүзеге асырып жатқан жобаларын таныстырды. Сондай-ақ 1926 жылы Бакуде өткен Түркология құрылтайы жайында көрме ұйымдастырылды.