Басты Жаңалықтар Геологияны дамыту жолдары қаралуда

Геологияны дамыту жолдары қаралуда

10.06.2026 17:03

Астанада C5+1 форматындағы халықаралық отырыс басталды. Орталық Азия мемлекеттері мен АҚШ өкілдері қатысып жатқан жиында бірлескен жобалар талқыланады. Басты тақырып - геологияны дамыту. Қазақстанда пайдалы қазбаларды барлауға арналған инвестицияның көлемі былтыр 100 млрд теңгеге жетті. Бірақ бұл жеткіліксіз. «Сондықтан бүгінгі форумның біздің елге берері көп. Жаңа ірі жобаларға жол ашылады», - дейді сарапшылар.

Еске салсақ, С+5 форматында келіссөз өткізу жөнінде тараптар былтыр Мемлекет басшысының Вашингтонға сапары кезінде келіскен еді.

Азамат Панбаев, Өнеркәсіп және құрылыс министрлігі комитетінің төрағасы:

Біз АҚШ-қа қажетті 60 металдың 25-ін қамтамасыз ете аламыз. Бірақ ол үшін кейбір бағыттарға тиісті инвестиция тарту керек. Бұл бағытта АҚШ-та инвестициялар ғана емес, технологиялар да бар. Біздің мақсатымыз - сол инвестицияларды тарту.

Автор

Жанел Нұрболатқызы

Бөлісу